';

كل عام وأنت بخير فيروز

10255665_691982890921479_4793798112490351738_n

شذى الشيخ

فيروز هي اللي اختصرت كل المشاعر المعقدة اللي بحسها الواحد،  بآه واحدة كسرت فيها كل قوة عمِّرها، وبوردة خبتها بكتابها، وزرعتها ع مخدتها، بأمل موجود، ومش لازم يكون موجود، بقصة صغيرة كتير وبشعة كتير، بطيارة ورق رجعتها بنت بتلعب ع سطح الجيران.

فيروز اللي روتلنا حكاية الحرب الأهلية بشادي، وخلّدت قصة الفدائين التلاتة بوحدن بيبقوا، وغنت بيروت والقدس ودمشق وكل الوطن العربي. 

فيروز رسمت حب الوطن بسنابل وشهدا وحمام، وحكت قصة بداية حبنا إله ونهايته من اليوم اللي تكوّن فيه الموج، لليوم اللي بيعتق فيه الغيم. 

فيروز القوة والضعف اللي بحسه الإنسان، فيروز الوطن والمقاومة.  فيروز القنديل اللي رح يضل يضوّي أيامنا من هون لتوقف الأيام. 

كل سنة وأنت سالمة.

Leave a Reply

Your email address will not be published. Required fields are marked *